خواتین اساتذہ پر پولیس کا وحشیانہ تشدد

 صوبہ سندہ میں تعلیمی ڈگریاں حاصل کرنے کے بعد اور آئی بی اے کا امتحان پاس کرکے استاد مقرر ھونے والوں پر سندہ حکومت کے حکم پر پولیس کی لاٹھیاں برسانے کے عمل کی کمیونسٹ پارٹی آف پاکستان سخت الفاظ میں مذمت کرتی ہے۔ جس  عدالت نے ان کو روزگار سے محروم کرنے کا فیصلہ دیا ہے اسے اب سندہ کے وزیر تعلیم، وزیر داخلہ ور وزیر اعلیؐ کو عدالت میں بلا کر پوچھنا چاہیے کہ استادوں خاص طور پر خواتین اساتذہ پر یہ وحشیانہ تشدد کیوں کیا گیا۔ پولیس کو اپنے اور اپنے بچوں کے استادوں پر تشدد کرتے ھوے شرم نہیں آئی۔ جب تک ملک پر جاگیردارانہ سوچ کے حامل حکمران مسلط رہینگے- اسی طرح کی زیادتیاں ھوتی رہیں گیں۔

 کمیونسٹ پارٹی حکومت سندھ سے مطالبہ کرتی ہے کہ ان اساتذہ کو ریگیولر کیا جائے او ر عدالت کو بتایا جائے کہ عوام سے ووٹ لیکر آنے والی حکومت کسی کو بے روزگار نہیں کرسکتی۔ زرداری کے متعلق خط نہ لکھنے پر ملک کے وزیر اعظم کو تو قربان کیا جا سکتا ہے۔لیکن اتنے اساتذہ کو بے روزگاری سے بچانے کے لئے حکومت کچھ نہیں کر سکتی؟

  امداد قاضی

 سیکریٹری جنرل
 کمیونسٹ پارٹی آف پاکستان